2 juillet 2010 5 02 /07 /juillet /2010 00:51
وصفة للكلف؛ يجب ان تفعليها لمدة 7 ايام

اليوم الاول:
 يغسل الوجه بواسطة حمام البخار وهو كالتالي ناخد لتر ماء ونعملو معاه معلقة كبيرة خزامة ـ معلقة كبيرة زعتر ـ معلقة كبيرة نعناع اخضر ـ معلقة كبيرة معدنوس مقطع ونعملو كل شي في كسرولة يطيب ونعرضو وجهنا للبخار تم نغطي الراس بفوطة مع اخد الحيطة والحذر باش نحاولو مانحرقوش الوجه ديالنا.بعد ذلك ناخد معلقة كبيرة من ماءالروز ندهنو به الوجه ونخليوه مدة 10 د حتى ينشف من بعد ناخد معلقة صغيرة زيت اللوز ومعلقة صغيرة ماء الزهر نخلطوهم ونديروهم على الوجه ونخليوه حتى ينشف ونحكو الوجه بحركات دائرية تم نغسلو عادي وفي الليل قبل النوم ناخد عصير الكرنب ونعملو معاه قطرات من زيت الزيتون وندهنو به الوجه.


اليوم الثاني:
 ندهن في الاول الوجه بزيت الزيتون تم ناخد معلقة عسل حر صغيرة ـ معلقة صغيرةعصارة الفجل ـ معلقة صغيرة عصارة الجزر ـ معلقة صغيرة بودرة الحليب من الاحسن حليب الاطفال ـ نصف معلقة صغيرة طحين الحمص نخلطو كل شي مزيان والى ماتخلطش نضيفوقطرات من ماء الزهر او ماء الورد نخلطو كل شي مزيان وما نغسلوش الوجه من زيت العود ونعملو هاد الخليط على كل الاماكن في الوجه والرقبة اللي فيها الكلف مدة 15 حتى 20 د ومن بعد نغسلوه عادي وماتخرجيش الشمس وحتى الى خرجت ضروري من استعمال الواقي ديال الشمس اللي كيتباع في الصيدلية وفي الليل كندهنو الوجه بعصارة الخس وزيت الزيتون
اليوم الثالث؛ غادي نصنعو صابون طبيعي ناخد طرف صابون طبيعي ونحكوه ونعملو معاه 2 معالق كبارلوز حار مطحون غبرة ونزيدو عليه نصف قرعة ماء ورد ويعجن به جيدا حتى يولي رطب ونخليوه حتى يقصاح ونغسلو به الوجه كل يوم من بعد نعملو هاد الماسك المكون من 2 معالق كبار عصارة اللفت الابيض ـ معلقة صغيرة دقيق الشعير ـ معلقة صغيرة ماء البطاطس ونديرو معاها قطرات من عصير الحامض باش ما تكحالش ـ 3 او4 قطرات زيت العود ويخلط الكل جيدا ونوضعوه على الوجه حتى ساعة ماشي مشكل ومن بعد نغسلوه بماء دافئ ثم بماء بارد وفي الليل ناخد سفرجلة او تفاحة ونقطعوها او بلا ما نقشروها ونطيبوهامع كاس عنبة ماء حتى يبقى نصف الكمية ونصفيوه في زلافة الطين ونزيدو معاه معلقة صغيرة عسل حر ويدهن به الوجه وتنام من الاحسن استعمال السفرجل لان له دور فعال بشد بشرةالوجه.
اليوم الرابع؛ ناخد معلقة صغيرة عصير الفجل ـ معلقة صغيرة عصير الطماطم ـ نصف معلقة زيت العود ودقيق الخرطال بعدماتغسلي وجهك بالصابون اللي حضرت ويوميا قبل العلاج تم نخلطو كل شي حتى الحصول على عجينة وندهنو به جميع اماكن الكلف ونخليوه مدة 20 حتى 25 د وفي الليل نخلطو عصير الفجل وقطرات من زيت العود وندهنو به الوجه وننام به.
اليوم الخامس؛ يغسل الوجه بالصابون اللي حضرناه ونعملو هاد الماسك المكون معلقة كبيرة عصير الطماطم ـ نصف معلقة صغيرة زيت الزيتون ـ 2 معالق كبار طحين الحمص ونزيدو شوية شوية اللي يجمع لينا الخليط وندهنو به اماكن الكحولية ونخليوه مدة 45 د ونغسلو بالماء البارد وفي الليل نخلطو عصير الفجل مع زيت الزيتون وندهنو به ونحتفظو بقشور الفجل.
اليوم السادس؛ نغسلو الوجه بالصابون وناخد قشور الفجل ونطحنوهم في الخلاط من بعد نخلطو معاه ملعقة صغيرة عسل حرودقيق الشعير ونجمعو كل شي مزيان والى ماتجمعش نزيدوماء الزهر او ماء الورد وندهنو به الوجه والى شاطت شي حاجة نعملوها حتى لليدين ونخليوه مدة 45 د ومن بعد نغسلوه وفي الليل ندهنو الوجه بماء الارزونخليوه حتى ينشف وندهنو بزيت الزيتون او زيت لوز ونعملو كوماج وحركات دائرية ناعمة بلا منغسلو وجهنا نمسحوه في الاخير بماء الخيار.
اليوم السابع؛ نغسلو الوجه بالصابون من بعد نحضرو ماسك مكون من معلقة صغيرة عسل حر ـ 2معالق صغار دقيق الزنجلان ـ نصف معلقة الحامض البلدي او البابليموس ـ معلقة صغيرة دقيق الشعير ـ نصف معلقة زيت الزيتون نخلطو كل شي والى ماتخلطش نزيدو ماء الورد او ماء الزهر ونعملوه على الوجه مدة 45 د من بعد نغسلو بماء دافئ تم بماء بارد وفي المساء ناخد ماء الفجل وشوية زيت الزيتون ومعلقة العسل تم تاخدي عصارة الدرك مع شوية زيت العود وتمسحي بها الوجه وتنامي وهدا الخليط الاخير تبقاي دائما تمسحي به الوجه وكلما بغيت تخرجي تعملي واقي للشمس كما ان ماء الروز فهو جيد للكوماج وازالة الخلايا الميتة والنقط السوداء والله يشافي جميع مرضانا امين يارب.

 

 

Partager cet article

Published by schtroumpfette - dans وصفات الوجه
commenter cet article

commentaires

مدونة هيا 27/03/2013


اشكرك افدتنا كثيرا.. جزاك الله خيرا مدونة هيا

تـــــــقــــديــــــم

  • : Le blog de Sanfoura مدونة السنفورة
  • Le blog de Sanfoura مدونة السنفورة
  • : مدونتي بالعربية تجمع كل ما ينال إعجابي من وصفات اللقاء المفتوح و ميد راديو لالة مولاتي و برامج أخرى
  • Contact

  • الــــسنفورة
  • jeune femme marocaine qui aime sa petite famille, son foyer et sa cuisiiiiiiiiiiiine
  • jeune femme marocaine qui aime sa petite famille, son foyer et sa cuisiiiiiiiiiiiine

بــــــحـــــث

Copie de LIKAA

اظغط على الصورة للإستماع لبرنامج

اللقاء المفتوح على الإذاعة الوطنية المغربية

 

 

MEDRADIO.jpg

 

إضغط على الصورة للإستماع لبرنامج

ميد راديو لالة مولاتي

 

chaine-mohamed-6-1.jpg

إظغط على الصورة للإستماع

لقناة محمد السادس للقرآن الكريم

 

dessinanime1.jpg

 

 

mod article1149345 1
Recettes de Cuisine
Retrouvez mes recettes sur
Recettes de Cuisine

 

 

فهرس المدونة

Partager cette page Facebook Twitter Google+ Pinterest
Suivre ce blog