Suivre ce blog
Administration Créer mon blog
23 février 2010 2 23 /02 /février /2010 11:21

 

: الوصفة فيها اسبوع كل يوم بوصفة

اول يوم

اول شئ لازم يكون الوجه نقى ونعمل ليه البخار المكون من

لتر ماء
1 م ك الخزامة
1 م ك الزعتر
1 م ك النعناع طري
1 م ك المعدنوس مقطع

الكل فى كصرونة حتى يغلى ونغطي الوجه بفوطة ونخلي البخار يطلع على الوجه  8 او 10 د ولما يبرد شوية ندهنوه بم
لعقة الماء اللى سلقنا فيه الروز حتى ينشف من بعد نخلط 1 م ص زيت اللوز +1 م ص ماء الزهر وندهن به الوجه فوق ماء الروز يعنى بلا ما نغسل حتى ينشف نعمل حركات دائرية باليد ونغسله
 وفى الليل عند النوم نعمل عصير الكرمب + قطرات زيت العود ندهن الوجه
بلا ما نغسل

اليوم التانى

يدهن الوجه بزيت العود 10د من بعد نعملو ماسك المكون من

1 م ص العسل الحر
1 م ص ماء ديال الفجل
1 م ص ماء الجزر
1 م ص الحليب غبرة من الاحسن يكون حليب الاطفال
1/2 م ص حمص مطحون

يتخلط الكل الى كان قاصح نضيف قطرات ماء الزهر او ماء الورد ونعملوه على الوجه فوق الزيت يعنى بلا ما نغسوه 15 او 20د الى كانت السيدة بغات تخرج
تعمل واقى الشمس
وفى الليل تعمل ماء الخص +2/1 م الزيت العود حتى الصباح

هاد الوصفات  يتعملو فى المساء وبلا ما تشوف الشمس


اليوم التالت

غادى نصاوبو صابون طبيعى اللى غنغسلو بيه الوجه

صابون طبيعي محكوك فى الحكاكة ونضيفو ليه 2 م ك اللوز الحار ممسوح ومطحون بالقشرة ونجمعوه بماء الورد تقريبا 2/1 قرعة ونعجنوه مزيان حتى يرطاب ونخليوه حتى يقصاح ونغسلو بيه الوجه كل يوم من بعد نعملو ماسك مكون من
2 م ك من عصارة اللفت الابيض
1 م ص دقيق الشعير
1 م ص ماء بطاطا ونديرو معاهاقطرات الحامض باش ما تكحالش
3 او 4 قطرات زيت البلدية

نخلطو مزيان ونديروه على الوجه حتى ساعة يغسل عادى بماء دافء تم بارد وفى الليل ناخد سفرجلة او تفاحة مقطعة اطراف مع كاس الماء العنبة ونخليوه حتى يطيب مزيان بالقشرة والبدور ديالها نخليوها حتى يصبح عندنا 2/1 كاس الماء لما يبرد يصفى ونضيفو 1 م ص العسل الحر نخلطو مزيان ونديروه على الوجه حتى الصباح فهو تيشد البشرة


اليوم الرابع

1 م ص عصير الفجل
1 م ص عصير مطيشة
2/1 م ص زيت الزيتون
دقيق الخرطال

يخلط الكل ونجمعوه بالطحين تيولى على شكل عجين ونديروه على الوجه من بعد ما نغسلوه بالصابون اللى حضرنا ونخليوه من 20 حتى 25 د وفى الليل نخلطو عصيرالفجل مع قطرات زيت العود ونعسو حتى الصباح


اليوم الخامس

يغسل الوجه بالصابون اللى حضرنا ومن بعد نعملو قناع
1 م ك عصير مطيشة
1/2 م ص زيت الزيتون
2 م ك طحين الحمص
نخلطو كلشى ونجمعوه بطحين الحمص بحال الكريم ونديروه على الوجه والعنق
45 د ونغسلوه عادى ماء دافئ تم بارد او بماء الخزامة او ازير .......يكون بارد فى الليل نعملو عصير الفجل مع زيت الزيتون
اما قشور الفجل نحتافظو بيهم
اليوم السادس

يغسل الوجه بالصابون وهادوك قشور الفجل كنسخنوهم فى الفرن ونطحنوهم
ماسك
قشور الفجل مطحونين فى الخلاط
1 م ص العسل الحر
دقيق الشعير

نخلطو كلشى والى كانت قاصحة نزيدو شوية الماء الزهر او ماء الورد وندهنو الوجه والرقبة وكل الاماكن اللى فيها الكلف واللى شاط ندهنو بيه اليدين 45 د
ونغسلو عادى وفى الليل ندهنو الوجه بماء الروز مسلوق ونخليوه حتى ينشف
ونعاودوه بزيت الزيتون او زيت اللوز وتعملى حركات دائرية وتكون السيدة على الظهر ديالها وفى هاد اليوم ستلاحظ الفرق وفى الليل تدهن الوجه بماء الخيار
وتنعس حتى الصباح

اليوم السابع

يغسل الوجه بالصابون دائما ونعملو ماسك
1 م ص العسل الحر
2 م ص طحين جنجلان
1/2 م الحامض البلدى او البابلموس من الافضل الحامض البلدي
1 م ص دقيق الشعير
1/2 م ص زيت البلدية

نخلطو كلشى والى كان قاصح نضيفو ماء الزهر او ماء الورد ونخليوه 45 د ساعة
لروب ويغسل عادى بماء دافئ تم بارد وفى الليل نخلطو ماء الفجل مع زيت الزيتون و 1 ص العسل الحر والدهنى بيه الوجه وتعملى كوماج من بعد كتاخدى
الدرك المعروف بالهندية تحكيه وتاخدى غير الماء مع زيت البلدية وتمسحى بيه الوجه هاد الاخير يمكن ليك تعمليه فى كل حمام اى مرة فى الاسبوع
هاد الوصفات قبل ما نعملوهم حتى نعملو عملية البخار على الوجه اللى عملنا فى اليوم الاول وهاداك الماء اللى تيبقايمكن لينا نديروه فى مكعبات التلج ونحتافظو بيهنسحو بيه الوجه او الرجلين ........
ماء سلق الروزيمكن لينا نستعملوه دائما ملى نبغيو نعملو الكوماج للوجه فهو يزيل الخلايا الميتة

Partager cet article

Published by schtroumpfette - dans وصفات الوجه
commenter cet article

commentaires

تـــــــقــــديــــــم

  • : Le blog de Sanfoura مدونة السنفورة
  • Le blog de Sanfoura مدونة السنفورة
  • : مدونتي بالعربية تجمع كل ما ينال إعجابي من وصفات اللقاء المفتوح و ميد راديو لالة مولاتي و برامج أخرى
  • Contact

  • الــــسنفورة
  • jeune femme marocaine qui aime sa petite famille, son foyer et sa cuisiiiiiiiiiiiine
  • jeune femme marocaine qui aime sa petite famille, son foyer et sa cuisiiiiiiiiiiiine

بــــــحـــــث

Copie de LIKAA

اظغط على الصورة للإستماع لبرنامج

اللقاء المفتوح على الإذاعة الوطنية المغربية

 

 

MEDRADIO.jpg

 

إضغط على الصورة للإستماع لبرنامج

ميد راديو لالة مولاتي

 

chaine-mohamed-6-1.jpg

إظغط على الصورة للإستماع

لقناة محمد السادس للقرآن الكريم

 

dessinanime1.jpg

 

 

mod article1149345 1
Recettes de Cuisine
Retrouvez mes recettes sur
Recettes de Cuisine

 

 

فهرس المدونة