19 mars 2010
5
19
/03
/mars
/2010
00:56
المكونات
2 معالق كبار شوفان (خرطال)
ماء معدني القياس اللي يغطي لينا الخرطال
اصفر بيضة بلدية
3معالق كبار زيت اللوز
الطريقة
نديرو الشوفان في زلافة و نغطيه بالماء المعدني و نخليه مدة ساعة غذي يتضاعف الحجم ديالو ثم نعصر الشوفان من الماء و نصفيه في منديل نقي و غذي يولي عندنا حليب الشوفان هو اللي نستعمل
نديرو اصفر البيضة فالخلاط الكهربائي و نخلط مزيان ثم نبدا نزيد زيت اللوز قطرة قطرة مع التطراب حتى يعقد الخليط بحال المايونيز ثم نزولوه من الخلاط و نزيد عليه حليب الشوفان مصفي و نخلط حتى تنسجم العناصر و ندير اللوسيون اللي حصلنا عليها في قرعة و كل ليلة نبدا نغسل الوجه ديالنا مزيان و ننشفه و نديرو قطن فاللوسيون و نمسح به الوجه مزيان فالليل و فالصباح كيصبح الوجه منور بحالا دايرين ليه كريم الاساس
يمكن استعمال الوصفة حتى للبشرة الجافة و كذلك يمكن نديرو غير حليب الشوفان بوحدو