Overblog Suivre ce blog
Administration Créer mon blog
30 mai 2010 7 30 /05 /mai /2010 00:13

الخيارات 5 منقيين ومحكوكين نخليه 2/1 ساعة
2 اوراق النعناع
1 رايبى اخضر
سكر

نطحن الكل فى الخلاط ويقدم بارد

 

Repost 0
30 mai 2010 7 30 /05 /mai /2010 00:07


schtroumpfette


باش الكرص تخمر بسرعة منين نعجنه نديرو العجينة في كوكوت و نسدو عليها و نحط الكوكوت فوق اناء فيه الماء سخون غدي تخمردغيا


schtroumpfette

الكيكة باش تطلع مزيان وتنفخ ندير ليها شوي ديال الخل فالعجينة


schtroumpfette

ابيض البيض باش يطلع مزيان نضربوه مع قبصة ملح


schtroumpfette

الحريرة باش مديرتش الطبقة ديال الختورة ندير ليها شوي ديال الزبدة


schtroumpfette

الشابلير: نشدو الخبز ونحكوه وندوزوه فالمقلة بلا زيت  حتى يقصاح وندوزوه فالغربال ونستعملوه بلا منيبسو الخبز وياخذ لينا وقت


schtroumpfette

العشوب الاربعة : الازير + الزعيترة + الزعتر + ورقة موسى 
Repost 0
Published by الــــسنفورة - dans تجارب عملية ونصائح
commenter cet article
29 mai 2010 6 29 /05 /mai /2010 00:29

المقادير
كيلو تفاح مقشر و مزول ليه البذور و مقطع (يمكن نخليوه بقشورو)
رابعة سنيدة او اقل
عصير 2 حامضات
من لتر و نصف ماء حتى ل 2 لتر حسب الختورة اللي بغينا

الطريقة
نديرو التفاح في طنجرة و نديرو عليه شوية من الماء الجهد اللي يغطيه و نغطيه و نخليه يطيب و منين يبرد نديروه في الخلاط الكهربائي مع الماء ديالو و نزيدو عليه سنيدة و نطحنو مزيان ثم نضيف عصير الحامض و نطحنو و نشوفو الا جانا خاتر بزاف نزيدو الماء حتى نكملو جوج لتر اللي عندنا
كيجي طبيعي و زوين و كيصبر مدة اسبوع في الثلاجة
Repost 0
29 mai 2010 6 29 /05 /mai /2010 00:27
صلصة القشدة ومركز الطماطم : 30 غ زبدة ـ نصف بصلة مقطعة رقيقة ـ 1فص ثوم ـ م ص من مركز الطماطم ـ 3 م ك من قشدة طرية ـ ملح - إبزار ـ م ص من لمعدنوس مقطع

نذيب
الزبدة نشحر ال بصل و الثوم نحرك حتى يتشحرو نضيف مركز الطماطم + القشدة + الملح + الإبزار +  المعدنوس نحرك بضع دقائق ثم تقدم الصلصة ساخنة
تقدم هذه صلصة مع الكفتة ـ مع الأسماك مقلية ـ مع المقرونة ـ البطاطس مقلية أو مسلوقة
Repost 0
Published by الــــسنفورة - dans أطباق متنوعة
commenter cet article
28 mai 2010 5 28 /05 /mai /2010 17:45
دورة في تعليم السيراميك


بالنسبة للصباغة لي استعملت ، فهي اللون الذهبي لصباغة الأكريليك بالنسبة للقلب ، وبالنسبة للأوراق استعملت صباغة الدازلين اللون الذهبي كذلك ، أما أوراق الوردة فاستعملت اللون الوردي الفاتح لصباغة ناكارينا .

بالنسبة للخلفية أنا درتها بالثوب ، هاد الثوب شريته أصلا فيه تموجات يعني بحالا مكمش ، ولصقته بالكولا على الخشب ، وملي نشفات الكولا حاولت نصبغ الأجزاء البارزة من الثوب باللون الذهبي لصباغة الأكريليك 



 




سأبدأ إن شاء الله بتنزيل مقادير العجين التي أستعمل شخصيا :

- كأس غراء الخشب (ديناكلو)
- كأس نشا (مايزينا)
- ملعقة ملح
- ملعقة زيت الفازلين ، ممكن تعويضه بزيت المائدة ، أنا في الأغلب الأوقات أستعمل زيت المائدة لآنه دائما متوفر
- ملعقة خل أبيض أو حامض
- ملعقة نيزادور إذا بغيت العجينة تكون بيضاء ، ماشي شفافة

- كريم نيفيا أو أي كريم

يتم خلط جميع المقادير ما عدا الكريم ، كناخذوا مقلاة طفال أو أي مقلاة متلصقش ، كنديريها فوق النار وملي كتسخن ممكن دهنيها بطرف ديال الشمع وعاد تصبي الخليط ، ومرة مرة كتقلبي الخليك باش يتماسك ، ملي تبان ليك العجينة تماسكات زوليها من فوق النار ، ودهني المكان لي غادي تشتغلي فيه بالكريم وكذلك دهني يديك وبداي دلكي في العجينة ، ومرة مرة كضيفي الكريم حتى تبان ليك العجينة ولات طرية وأصبح من السهل عليك استخدامها ، بالحق ماشي تخليها تولي طرية لدرجة تولي كتلصق . عينك ميزانك . صافي وكديريها في شي بلاستيك وتغطيها بشي منديل وتخايها ترتاح ، ومرة مرة تبدلي البلاستيك إلى شفتيها عرقات .

  الصور باش تشوفوا الطريقة

للأمانة هاد الصور راها غير منقولة






أول درس من دروس السيراميك : الورقة



إذن للعمل نحتاج هذه الأدولت 

 

 

- المرشم الخاص بالورقة

- الطابع الخاص بالورقة

- سلك + ملقط باش نقطعو السلك
- كولا بلانكا
- مدلك باش نطلقو العجين
- سينتة باللون الأخضر باش نغلفو بيها ساق الورقة



أول عمل كنقوموا بيه كنطلقو العجينة مزيان ، متكونش سميكة بزاف وماشي رقيقة بزاف تقريبا شي 1 سنم في السمك ثم كناخذ المرشم الخاص بالورقة وكنطبع على العجينة كما في الصورة :

 



من بعد كنزول الشكل لي حصلت عليه وكنعملو على الطابع الخاص بالورقة للحصول على شكل الورقة الحقيقي ، خاص الجزء المقنت يكون في الأعلى كما في الصورة :



 

من بعد كناخذه القلم الخاص بالسيراميك وكنحاول ندير تعرجات بالورقة مرة من الفوق ومرة من التحت ، كما في الصورة 



 

كناخذ سلك وكنقطع جزء منه كنغلفو بالسينتة من بعد كناخذ رأس ديالو كندير فيه شوية ديال كولا بلانكا وكنلصقو في الجزء الأخير من الورقة كما في الصورة 


أنا هما مكانتش عندي السينتة استعملت السلك بدونها باش نوريكم الطريقة


كنعمل مجموعة لا بأس بها من الأوراق وكنخليها تنشف مزيان عاد ممكن نصبغها باللون الأخضر 



وهذه الأوراق بعدما تمت صباغتها


طبعا مكاينش غير هاد المرشم كاين بزاف ديال الأشكال وبأحجام مختلفة، ممكن تستعملي لي بغيت وبالحجم لي بغيت ، كيبقاليش انت الاختيار



  طريقة وردة لا تحتاج إلى مرشم أو طابع نحتاج فقط الأدوات التالية



- عجينة السيراميك

- سلك

- كولا بلانكا

- شريط لاصق باللون الأخضر
- قليل من الغراء كولا بلانكا






نقوم بقطع السلك بالطول لي سوف محتاجه ثم نلفه بالشريط اللاصق





ليصبح عندنا السلك بهذا الشكل





نقوم بعمل كرة من العجين بهذا الحجم






ثم نبسطها بأيدينا لتصبح بهذا الشكل تقريبا مثل الورقة ونضع القليل من الغراء بأسفلها ونثبها برأس السلك ، بهذا الشكل









والآن سنقوم بعمل باقي أوراق الوردة كما في الترتيب الذي بالصورة



- نأخذ كرة صغيرة من العجين ، نبسطها ونحاول ثنيها من فوق



نضع القليل من الغراء بالأسفل ونثبتها في الساق التي سبق تحضيرها كالتالي






ونتابع بنفس الطريقة إلى أن نكمل الدور الأول





ثم نتمم الدور الثاني حتى نحصل على وردة بهذا الشكل





مراحل أنجاز الوردة الي صورتها



إذن سنحتاج إلى :
- عجينة السيراميك
- مدلك باش نطلقو العجين
- المرشم الخاص بهاد الوردة بثلاث أحجام من الصغير للكبير هذا شكله (كاين واحد المرشم كيشبه لهذا غير هو مقنت من الأسفل ممكن تستعمليه إلى ما توفرش عندك هذا)

- وهذا الطابع غادي نستعمله الجهة لي فالصورة



- كولا بلانكا الخاصة بالسيراميك



أول حاجة نقوموا بيها ، نأخذ قرص صغير من العجينة ونشكلوه بهذا الشكل



ثم نحاول بشي سلك أو أحد أقلام السيرميك نثقبه القرص من الفوق باش يصبح بهذا الشكل (كندخل السلك بالقرص وكنسحب لفوق)



بعد ذلك نتركه ليجف تماما


والأن سنقوم بعمل أوراق الوردة :

نقوم بفرد عجينة السيراميك ، ونستعمل المرشم ونطبع على العجين للحصول على السكل المطلوب

بعد ذلك نأخذ الورقة ونطبعها على هذا الطابع في الجهى لي بها خطوط كما بالصورة





بعد ذلك نأخذ القلم الخاص بالسيراميك ونحاول أن نعمل تموجات بالورقة ، مرة من فوق ومرة من تحت




لتصبح بهذا الشكل



نقوم بنفس العملية مع جميع الأحجام ونعمل عدد لا بأس به

تقريبا وردة واحدة تحتاج إلى 7 من الحجم الصغير --- 9 من الحجم المتوسط والكبير

بعد الانتهاء من العمل نترك قلب الوردة والأوراق حتى تجف تماما .

بعدما أنجزنا قلب الوردة واوراقها بالأحجام الثلاثة وبعد جفافها تماما سنرى اليوم كيفية تثبيتها

إذا سنحتاج إلى
- كرة من العجين لتثبيت القلب والأوراق
- كولا بلانكا

نأخذ كرة العجين ونضع في وسطها القليل مو الغراء الخاص بالسيراميك




ثم نثبت القلب بوسط الكرة




نبدأ أولا بتثبيت الأوراق الصغيرة

نضع الغراء بأسفها ونثبتها كما بالصورة




ثم نفس الشيء بالنسبة للورقة الثانية والثالثة إلى أن نتمم الدور الأول





 
بعد إتمام الدور الأول بالأوراق الصغيرة ،
نتابع تثبيت الدور الثاني بواسطة الأوراق المتوسطة

نأخذ ورقة ونضع بأسفلها القليل من الغراء ونثبتها ويجب أن تثبت بين الورقيتين اللتين قبلها ، الصورة توضح قصدي


ثم نثبت الورقة الثانية

وهكذا مع باقي الأوراق حتى نتمم الدور الثاني




انتهينا الآن من الدور الأول والثاني ، بقي لنا الدور الأخير الذي سنعمله بالأوراق الكبيرة الحجم

نأخذ ورقة ونضع القليل من الغراء بأسفلها وتثبتها مخالفة للورقين اللتين قبلها



تثبت الورقة الثانية



ونتتم العمل بنفس الطريقة لباقي الأوراق إلى أن نكمل الدور الثالث والأخير





إذن هذه هي الوردة التي ستحصلون عليها بإذن الله إذا اتبعتم جميع المراحل التي سبقت

نتركها حتى تجف تماما ، بعد ذلك يمكن استعمالها في لوحة أو لتزيين مزهرية ، كما تحبون طبعا


بالنسبة للصباغة ، يمكن صباغتها باللون الذي تحبون ، أنا صبغت فقط القلب وتركتها بيضاء




أن شاء الله بعد أن أتمم اللوحة الخاصة بهذه الوردة سأنزلها لكن .

اليوم إن شاء الله سنرى كيفية عمل زهرة الكالا التي سبق أن وعدتكم بتنزيل طريقتها


إذن كالعادة سنحتاج إلى عجين السيراميك + سلك + الشريط الأخضر اللاصق + كولا بلانكا + طابع القلب


أولا نأخذ السلك بالطول الذي يناسبنا ونلف عليه الشريط اللاصق


نأخذ كرة صغيرة من العجين ونشكلها كما في الصورة


نأخذ السلك ونحاول ثنيه قليلا من الرأس الصورة توضح ما أقصد




ونضع عليه القليل من الغراء



ثم ندخله في شكل العجين الذي حضرنا من قبل



نحاول تعديله بالشكل المطلوب جيدا ثم نتركه حتى يجف



بعد جفافه نطليه بقليل من الغراء ثم نمرره في سميد الذرة الأصفر





ليكون لدينا هذا الشكل بالأخير ، ونتركه حتى يجف تماما لنكمل بقية المراحل



طبعا ممكن تعملوه أطول أو أرق على حسب حجم الوردة التي ستقومون بعملها ،


سأكمل تحميل باقي الصور لأتمم باقي مراحل الزهرة ،

إذن بعدما أنجزنا قلب الزهرة وتركناه حتى يجف ،

نأخذ كرة من العجين ونفردها




هذا هو طابع القلب الذي سنستعمل

نطبع به على العجين ،




من بعد ما قمنا بتقطيع شكل القلب نقوم بواسطة الأصبع بالطبطبة
بوسط القلب كما بالصورة




بعد الانتهاء نأخذ القلب بالمقلوب ، ونضع على جواني القلب الكولا بلانكا

نضع قلب الزهرة بالوسط



ونحاول ثني الجوانب لي بالأسفل كما بالصورة





نحاول تعديل الزهرة كما يلي ، نثني الجزء العلوي قليلا إلى الوراء




هذا شكل الزهرة من الجانب





وهذا الشكل النهائي ، نتركها في حتى تجف ونزين بها ما نشاء


اليوم حبيباتي جبت ليكم واحد شكل من أشكال الأغصان ممكن تزيني بيه الطابلو ديالك ، أو تعمليه مع الورورد بالفاز ، أو فين ما حبيت ، وأتمنى أنه يعجبكم ،
وأستسمح لأني تأخرت عليكم هاد المدة نظرا لظروف العمل والوقت .

أولا نحتاج سلك الطول لي بغيت وتلفي عليه الورق الأخصر اللاصق



من بعد ناخذ كرة صغيرة من العجين



ونسروحها بهاد الشكل وندير بالأسفل ديالها شوية من الكولا



ثم نصلق بطرف السلك على شكل قلب وردة بحال لي فالصورة





وكنكرر نفس العملية على طول السلك وحدة جنب الأخرى وبالتنسيق لي بغيته ، مثلا مرة نلصق وحدة باليمين ومرة بالشمال ، المهم كل وحدة وذوقها .



وهذا الشكل ديالو بالأخير ، هذا خليتو حتى نشف وصبغته بنكارينا وردي فاتح .




نتمنى تكون هاد الفكرة عجباتكم

 

ملي كتبغي تلصقي الورد فشي طابلو ، كتحتاجي العجين ديال السياميك والكولا بلانكا ،

كتاخذي الإطار لي غادي تلصقي فيه الورد كتعملي الكولا بلانكا في الجزء لي غادي تلصقي فيه الورد وكتاخذي واحد الكرة ديال العجين طبعا حجمها على حساب كمية الورد لي عندك باش ملي تكملي تنسيق الورد متبقاش العجينة باينة .المهم كتاخذي كرة العجين وكتعملي ليها حتى هي الكولا وكتلصقيها فوق الجزء من الكادر لي درتي ليه الكولا في الأول ، متخافيش وخا تكثري الكولا راها ملي كتنشف مكتبقاش تبان كتولي شفافة . ملي كتلصقي كورة العجين فبلاصتها كتبداي تلصقي الورد ديالك بالطريقة لي عجباتك ،

بالنسبة لنيزادور كنعملو في الأول مع العناصر كاملة عاد كنطيب العجين ، ومعلقة كافية 

 

أختي بالنسبة للوردة لي قصدتي ملي كتكملي المونتاج ديالها كتخليها حتى كتنشف مزيان عاد هاديك الساعة كتاخذي الكادر وكتلصقي فيه كرة أخرى من العجين وكتبثي الوردة بالوسط مزيان ، عاد كتبداي تلصقي الأوراق مباشرة من بعد الوردة لحقاش هما لي غادي يخبيو لينا العجينة لي لصقنا في الكادر باش متجيش باينة . اتمنى نكون شرحت ليك مزيان

 



الصباغة الخاصة بالسيراميك



وكاين بحال هاد النوعية -دازلين-



وعموما بائع مواد السيراميك ، إلى سولتيه غادي يوريك جميع أنواع الصباغة لي تقدري تستعملي مع السيراميك .

 

نيزادور فهادي هي صورته ، وراه ممكن تستغناي عليه لحقاش هو دوره فقط كيبيض العجين .

 

هادي هي صورة الصباغة




الصورة لي على اليمين هي الأكريليك، والصورة لي على الشمال هي دازلين

 

 للصباغة كتباع ب 18 درهم للون الواحد ، وبالنسبة للطابع أو كيف قلت القطاطع كيتباع ب 10 دراهم كيكون فيه 4 بأحجام مختلفة ، وديال الورقة كيكون فيه أكثر .

 

الكولا 13 درهم
ميزينة بلعبار 20 درهم لكيلو
الكليسرين 25 درهم
فزلين 15 درهم
الصباغة 23 درهم
نيزدور 60 درهم
المراشم 10 درهم
أعواد 25 درهم

 

عناوين بيع مواد و أدوات السيراميك بالداربيضاء

 

 

محلان

 

*1*
مكتبة أطباري في البرانس قدام مدرسة طباريه
زنقة أسامة بن زيد وراء التوين شارع المسيرة 
حدا ليكليز

 

*2*
المحل -معاريف ار maârif art
العنوان -97 زنقة أطلس المعاريف
الهاتف:0522987054
الفاكس:0522982337

 

 

 

Repost 0
Published by الــــسنفورة - dans قسم الخياطة
commenter cet article
28 mai 2010 5 28 /05 /mai /2010 00:50

بات بريزي
200 غ دقيق -100 غ زبدة -2 اصفر البيض -4 م ك
سنيدة - فاني - 2 م ك ماء - ملح
كريم باتيسيير
1/2 لتر حليب - 30 غ نشا -عصير 1/2 حامضة - 2 فاني
-3 اصفر البيض -125  غ سنيدة
مورانغ
5 ابيض البيض - 80 غ سنيدة - 1 م ص عصير الحامض
الطريقة
العجين
نخلط الماء + الملح + السكر + الفاني + البيض باش تدوب العناصر
نخلط الدقيق مع الزبدة باش يترمل ويتجانسو نزيد خليط
البيض ونجمع العجينة بسرعة ونلفوها بلاستيك غدائي وندخلها  للثلاجة نصف  ساعة من بعد نطيبها
كريم باتسيير
نخلط البيض مع كاس الحليب + سنيدة + النشا + الفاني ونديروهم فوق نار هادئة ونزيد الحليب ونحرك حتى تختار ونزولوها من فوق البوطة ونحاول نبردها
المورانغ
نخدم ابيض البيض مع عصير
الحامض بسرعة عالية حتى يطلع مزيان عاد نزيد سنيدة ونخلط مزيان
ملي طيب لابات ديالنا نخوي عليها لاكريم باتسيير ونزوقها بالمورانغ على شكل نجيمات وندخلها تحمر

Repost 0
Published by الــــسنفورة - dans حلويات
commenter cet article
28 mai 2010 5 28 /05 /mai /2010 00:32

نعبرو بكأس العنبة
كاس الزيت
كاس السنيدة
بيضة
الملح
نصف كاس الجلجلان محمر
ملعقة كبيرة النافع محمر ومطحونة
ملعقة كبيرة حبة حلاوة محمرة ومطحونة
خمارة
ملعقة خميرة الخبز
نصف كيلو الدقيق

للتزيين
بيضة + نسكفي
الجلجلان

الطريقة:
نخلط الكل ونجمعو بالدقيق
نحربل على شكل قضبان طول كل قضيب 5 إلى 6 ستم ونديروه على شكل دائري ونورك عليه شوية والحواشي نفلحوهم من الوسط
ندهنو بالشيتة بمقادير التزيين وندخل للفرن



Repost 0
Published by الــــسنفورة - dans حلويات
commenter cet article
27 mai 2010 4 27 /05 /mai /2010 00:38

المقادير
نصف كيلو زبدة عادية
رابعة لوز اخضر مهرمش
رابعة كركاع مهرمش
نديروهم في ميكة و ندقوهم بالمهراز حتى يتهرمشو
رابعة صنوبر (البينية) او بيسطاش
رابعة جنجلان
نصف كاس عنبة مازهر
كاس عنبة سنيدة
1 خمارة
بيضة
طحين حسب الخليط
سكر كلاصي للتزيين


الطريقة
نديرو الزبدة في قصرية
و نديرو الجنجلان في مقلة يتحمر غير يبدى يطرطق نزولوه و نكبوه مباشرة فوق الزبدة ثم نزيدو البيض و السكر و مازهر و نخلطو مزيان ثم نزيدو الخمارة و الدقيق شوية بشوية حتى تجمع العجينة و نديروها كويرات نطبعوهم بالطابع ديال الشميشة او نزينوهم بالمنقاش ثم ندخلوهم للفران يطيبو و منين تخرج الحلوى نخليوها تبرد ثم تفند في السكر كلاصي يمكن نحطوها في طبسيل و نرشو عليها السكر من الفوق بالصفاية
Repost 0
Published by الــــسنفورة - dans حلويات
commenter cet article
27 mai 2010 4 27 /05 /mai /2010 00:24


وصفة لنمو شعر الحواجب

 

ناخد عظم التمر ونعملوه في اناء على الفاخر ونحرقه تم يدق ويغربل ويخلط مع زيت الخروع ويدهن به الحواجب وممكن نضيف معهم قطرات من ماء الخبيزة فهده الخلطة تساعد على نمو شعيرات الحواجب

 

وصفة لنمو شعر الحواجب

ناخد عود القرنفل ونحرقو الراس صغير ديالو ونكحلو به الحواجب .

 

لتساقط الحواجب

 

معلقة صغيرة السالمية مطحونة

معلقة صغيرة خزامة مطحونة

معلقة صغيرة بابونج مطحون

معلقة صغيرة القوق البري مطحون

 

نخلط كل شي بزيت العود ونعمله على الحواجب يبات عليه او نعملوه 2 مرات في النهار صباحا ومساء.

 

ناخد مغلي اوراق الكركاع والقشور نمسح به الحواجب ونغسل به الوجه مفيد جدا فهو يساعد على نمو الشعر ويعطيها لون جميل.

 

Repost 0
Published by الــــسنفورة - dans وصفات الوجه
commenter cet article
26 mai 2010 3 26 /05 /mai /2010 00:29
  
  م ك 2 زبدة دايبة
بيضة
خمارة
م ك  سنيدة
كاس كبير حليب
كاس كبير سميدة رقيقة
ملح
نخلط جميع المكونات وناخد مقلة طيفال تسخن ومن بعد ننقس العافية وناخد مغرف من الخليط ونكبها في المقلة حتى طيب ونكمل بنفس الطريقة تقدم مع العسل
Repost 0
Published by الــــسنفورة - dans حلويات
commenter cet article

تـــــــقــــديــــــم

  • : Le blog de Sanfoura مدونة السنفورة
  • Le blog de Sanfoura مدونة السنفورة
  • : مدونتي بالعربية تجمع كل ما ينال إعجابي من وصفات اللقاء المفتوح و ميد راديو لالة مولاتي و برامج أخرى
  • Contact

  • الــــسنفورة
  • jeune femme marocaine qui aime sa petite famille, son foyer et sa cuisiiiiiiiiiiiine
  • jeune femme marocaine qui aime sa petite famille, son foyer et sa cuisiiiiiiiiiiiine

بــــــحـــــث

Copie de LIKAA

اظغط على الصورة للإستماع لبرنامج

اللقاء المفتوح على الإذاعة الوطنية المغربية

 

 

MEDRADIO.jpg

 

إضغط على الصورة للإستماع لبرنامج

ميد راديو لالة مولاتي

 

chaine-mohamed-6-1.jpg

إظغط على الصورة للإستماع

لقناة محمد السادس للقرآن الكريم

 

dessinanime1.jpg

 

 

mod article1149345 1
Recettes de Cuisine
Retrouvez mes recettes sur
Recettes de Cuisine

 

 

فهرس المدونة