المقادير

كيلو فورص + كاس عنبة فورص
بيضة
1 خمارة حلوى
شوية الملح
نصف كيلو زبدة اللتوراق
قرعة صغيرة ماء بارد مزيان مڭلاصي

نديرو الدقيق في القصرية و نديرو معاه الزبدة كاملة و نبسبسوه مزيان حتى يتخلط مع الزبدة و يترمل ثم نزيدو الخمارة و الملح و البيضة و نجمعو بالماء البارد بلا ما ندلكو العجينة غير تجمع صافي ثم نخليوها ترتاح مدة 5 دقائق و نرشو الطحين فوق طبلة او البوطاجي و نسرحو العجينة بالدلاك و نطويوها على ثلاثة يعني نطويو الطوية الاولى و نديرو عليها الطوية الثانية ثم نطويو مرة اخرى و نخليو العجينة ترتاح 5 دقائق و نعاودو نسرحوها و نطويوها على ثلاثة او اربعة و نخليوها ترتاح 5 دقائق و نسرحوها و نطويوها مرة اخرى على ثلاثة او اربعة ( يعني غدي نقومو بالعملية ثلاث مرات ) ثم نقسموها عى اربعة و نديرو كل قسم في بلاستيكة و نحتفظ به في الكونجيلاتور و كل مرة نجبدو القياس اللي بغينا و نطلقوه و نستعملوه
هذه العجينة يمكن نديرو منها الكيش و البيتزا

اما الى بغيناها للشنيك و كرواصة يعني المعجنات الحلوة اللي كتخمر غدي نزيدو على المقادير اللي ذكرنا شوية خميرة معجونة و شوية السكر و غدي نقصو كاس ديال الطحين يعني غدي نديرو غير كيلو ديال الفورص فقط و نتبعو نفس طريقة العجينة و التوراق

*تحضير الشنيك
نسرحو العجينة اللي فيها الخميرة و نديرو عليها لاكريم باتيسيير و الفواكه معسلة أو الزبيب و نلويوها ثم ندخلوها للثلاجة (ماشي المجمد) تشد راسها و نقطعوها دوائر و نديروها في لاطة تخمر و ندهنوها بالبيض و ندخلوها للفران تطيب
حسب صاحبة الوصفة هاد العجينة واخا ساهلة فالخدمة كتجي زوينة بزاف و مورقة

نصف لتر حليب بارد +  علبة حليب مركز محلى + بكية كريم شانتيي غبرة + حك  ياغورت كريمي فاني + 200 غ لوز مسلوق و مقلي و مهرمش + م ص نيسكافي مدوبة فالحليب + 2 م ك كاكاو + 60 غ شكلاط فيرميسال + 6 حبات كركاع للتزيين

خاص جميع العناصر السائلة و الادوات تكون باردة  مزيان 
في اناء نديرو الحليب و لاكريم شانتيي و نطرب مزيان بالباطور حتى تطلع لاكريم مزيان ثم نزيد عليها الثلث ديال نيسلي و نطرب و نزيد الثلث الثاني مع التطراب ثم نضيف الثلث الاخير  مع التطراب بالباطور الخليط كيطلع مزيان ثم نبداو نزيدو دانون شوية بشوية مع التطراب و نقسم الخليط على ثلاثة اجزاء جزء نخليوه طبيعي بمذاق الفاني و جزء نزيدو عليه الكاكاو و جزء نزيدو عليه القهوة ثم ناخدو مول ديال القراصة من الاحسن ( او اي مول عندنا ) و نديرو طبقة اولى من خليط الكاكاو و ندردرو فوقه اللوز مزيان ثم نديرو طبقة ديال خليط الفاني و نديرو اللوز مهرمش ثم الطبقة الاخيرة ديال خليط القهوة و نزين من الفوق بانصاف الكركاع و نرش الشكلاط فيرميسال و نديرو الكلاص في المجمد

كلاص بكاوكاو والشكلاط

الكراميل : 250 غ سنيدة + 1/2 كاس الماء الزهر صغير + 1/2 ليتر الحليب

فوق نار مهيلة نضع الماء + سنيدة  حتى يولى اللون بنى تم نضيف الحليب غير يبدا يغلى نزولوه
 

القشدة : 6 اصفر البيض + 170 غ سنيدة + 1 م ص نشا

نخلط الكل فى الخلاط الكهربائى 10د حتى يتقال

التزيين : 100 غ شكلاط + 120 غ كاوكاو مفسخ ومقلى

ندوب الشكلاط في حمام مريم ومن بعد نضيف كاوكاو ونصبه فى البلاستيك الغدائى

 يبقى حتى يجمد ونهرسه  باليد

ناخد الكراميل + خليط البيض ونضعه على نار مهيلة 4د ونزولوه

  نضيف 1 م قهوة سريعة الدوبان + 2/1 لتر قشدة طرية يبرد شوية نضيف الكاوكاو ونصبه فى مول مستطيل حتى يبرد مزيان يتقطع

المربى ديال الكرعة الحمرى : 500 غ من الكرعة +  سكر حسب الذوق +
2 م ك من زيت

نفور الكرعة ونعملها في طنجرة نضيف
زيت وسكر ملي طيب وتنشف نضيف 5 دراهم من شكلاط و5 دراهم
الكاوكاو محمر ومقشر ونطحن الجميع في خلاط كهربائي وندخله يبرد

كيكة بالكوك

2 بيضات
125 غ الزبدة
250 غ سنيدة
برتقالة
1 خمارة
رابعة الطحين ننقص منه حفنة ونعوضه بالكوك او 225 غ الطحين و25 غ الكوك
عصير 2 برتقالات

نسلق البرتقالة 2 مرات مع تغير الماء ونديروها فى الخلاط مع سنيدة والزبدة والبيض والكوك وخمارة والطحين نصبوها فى المول وتدخل للفرن ملى طيب وتبرد مزيان عاد نزولوها نسقيوها بالعصير يكون دافى وتزين بقشرة البرتقال معسلة