20 janvier 2010
3
20
/01
/janvier
/2010
00:17
اليوم غانقدم ليكم الدجاج محمر الي درت الاسبوع الفايت فواحد العرضة درتها.
المهم يتنقى الدجاج بالملحة وتحكيه بيها مزيان باش تحيد ديك الشحمة و دوك الزوايد الي فالدجاجة بسهووووووولة.
من بعد كاترقديه فالماء و الخل و سكينجبير و الملح.
كاتخليه يتسقطر مزيااااااااان.
دابا ندوزو للخليط الي غانرقدو فيه الدجاج,و لي كانحتاجو ليه:
البسيبيسة و النويورة
القزبور و معدنوس الي كاندقو فالمهراز
الثوم
السمن
حامض مصير
كيف ما كاتشوفو معايا المقادير كاملها مجموعة فهاد الطبسيل(زيت,الحامض,الخرقوم,الابزار,ضامة البنة,بسيبيسة والنويورة الي سخناها و طحناها,والقزبر الي وجدنا من قبل(الملحة ماكانديروهاش حيت رقدنا فيها الدجاج و درنا ضامة البنة)).
الخليط هاكدا كايولي
بامكانك هاد الخليط تطحنيه فخلاط كهربائي
بعدها كا ندهنو الدجاج مزيان بالخليط من برا و من الداخل ومانساوش تحت الجلدة
كانعقدو الدجاج ب 2 خيوط صحاح واحد غايجمع الفخيضات او واحد غايجمع الجوانح
وتخلي الدجاج يترقد اكبر فترة ممكنة
ايوة و ديريه يطيب فكاميلة تكون شوية كبيرة باش تخلي ليك الامكانية انك تحركيه بسهووولة بلا ما يتحل ليك
كانديرو البصلة و الزيت بعدها كانضيفو الما و الدجاج.
الدجاج كانحطوه اول شي على سدرو و نخليوه ديك نص ساعة و نقلبوه يطيب على الجهة الاخرى ديك نصف ساعة.
الاناء الي درتي فيه الدجاج يطيب ماعمرك تسديه لان هذا كاياثر على طياب وكايخلي الدجاج كايتحل بالزربة
ممكن تغطيه وتخلي الغطا مايل
فجهة اخرى كانديرو الكنصة و القلب ديال الدجاج مقطعين يطيبو بوحديهم فزويتة مع شوي د البصلة و الثوم
مانساوش الثوابل و الزيتون.والماء الي كانضيفو كانهزوه من الاناء فاش كايطيب الدجاج
كاندهنو الدجاج بالسمن وندخلوه يتحمر
ديك المرقة الي بقات لينا كانشدوها ونصفيوها ونحكو ديك البصلة فالصفاية باش تختر لينا لاصوص.
هادا الشكل النهائي
بالصحة مدو ايديكم الدار داركم
نتمنى نكون فدتكم
Published by schtroumpfette
-
dans
أطباق متنوعة
19 janvier 2010
2
19
/01
/janvier
/2010
00:57
(250g) روز مهرس مسلوق و مصفي
كاس عنبة سكر
قشرة حامضة محكوكة رقيقة
م ك 2 قرفة
اعواد التفاح يابس
(250g) شكلاط
نصف زلافة شابلير
3 بيضات
نصف زلافة الدقيق
السيرو: 2 كأس كبير ماء - 2 كأس صغير سنيدة - 3 قشور برتقال مقطع مربعات صغيرة
كندبر السيرو حتى يتعسل
ندوب الشكلاط في حمام مريم بعدما يبرد شوية نشكل كويرات قد حبة العنب بعدما ندير في قلبها قشور البرتقال
ناخد الروز ندير ليه السكر و القرفة و الحامض و ندير الكويرة الشكلاط وسط الروز و نشكل اجاصة
نفند في الطحين ثم البيض ثم الشابلير و نقليوه في الزيت و ندردر عليها السكر و القرفة
Published by schtroumpfette
-
dans
أطباق متنوعة
18 janvier 2010
1
18
/01
/janvier
/2010
00:29
قشور الفجل تنشف في الفرن وتدق نأخد مقدار معلقة ص ونحك فجلة + م ص عسل
يستعمل ماسك نصف ساعة مرة في الاسبوع
قبل وضع الوصفة نستعمل حمام بخار خزامة او زعتر وكل ليلة نمسح الوجه بالكرنب محكوك يوضع فيه 3 قطرات زيت الزيتون
Published by schtroumpfette
-
dans
وصفات الوجه
17 janvier 2010
7
17
/01
/janvier
/2010
12:35
المقادير
دجاجة من 2 كغ
شوي كفتة بيبي
كبدة الدجاج
تومة (1) محكوك
بصلة مقطعة رقيق
شوي معدنوس
زعتر محكوك بين يدينا
م ص شابلير
م ك 1/2 زيت الصوجا
شوي زيتون اخضر مقطع رقيق او يتطحن شوي
حك فطر معلب مقطع صغير
ملح
ابزار
شوي زبدة
لدهن الدجاجة من الداخل
زبدة + ضامة البنة دجاج + ابزار +ثوم مدقوق
لدهن الدجاجة من الخارج
تحميرة +م ك موطارد + زبدة
الطريقة
ندهن الدجاجة من الداخل بالخليط الي ذكرناه مزيان
نشدو البصلةو التومة نشحروهم ف الزبدة ونزيدو ملحة والابزار حتى دوب البصلة عاد نزيدو المقادير الاخرى الشامبينيو الصوجا الزيتون..........ملي يجانس الخليط نعمرو به الدجاجة و نخيطوها و ندهنو الدجاجة بالخليط ديال التحميرة و الموطارد ..ونفرشو بابيي كويسون ونغلفو الدجاجة ب بابيي الومنيوم و نحطوها على السدر و ندخلوها طيب فالفران
Published by schtroumpfette
16 janvier 2010
6
16
/01
/janvier
/2010
00:32
المقادير
شوية من عشبة لحية الشيخ
كمون مطحون او حبوب
حبق اخضر او يابس
فلفلة حلوة خضرا
بصلة حمرا
اوراق البصلة الخضارية
ملح
قزبر يابس
ورقة سيدنا موسى
سودانية حسب الرغبة
بالنسبة للمقادير نديرو رابعة من كل نوع من الخضر و شوية من كل عشبة
الطريقة
تغسل لحية الشيخ و تتيبس
تنقى الخضر و تغسل و تقطع طريفات صغار و نخلط جميع العناصر في اناء و نبدا نهزو شوية بشوية و ندقوه مع الملح نخليوه مهرمش شوية ثم نخليوهم يباتو ليلة كاملة و في الغذ نفرشو زيف حياتي و نشروهم عليه و نخليوهم ييبسو فالشمس مع التحريك مرة مرة و منين ييبسو مزيان نديروهم في قرعة و نحتفظ بهم
يمكن نديروهم فالكسكس او الحريرة او الرغايف ديال الشحمة او الرغايف بالكفتة او نديروهم فالمرقة كيعطيو مذاق زوين للاكل
Published by schtroumpfette
-
dans
أطباق متنوعة
15 janvier 2010
5
15
/01
/janvier
/2010
01:32
دجاج - العرس ديال المغرب
دجاجاتان مغسولين مزيان نضعه يتسقطر وينشف مزيان+1 كيلو بصلة + ملعقة تحميرة + معلقة صغيرة خرقوم + معلقة صغيرة ثوم مدقوقة + ملح + حامضة مصيرة +ربطة قزبر ـ+ نصف كاس زيت
ناخد حامضة ونديروها في الملح ونحكو بها الدجاج مزيان من بعد ناخد بانيو ونعمل فيه الماء والخل وسكينجبير ونرقد فيه الدجاج ليلة كاملة .وفي الغد ناخد طنجرة على نار مهيلة نديرو كل التوابل وكاس ماء ونمرمد الدجاجة ونكتفوها ونديروها على الصدر ديالهاونزيدو معاها البصلة وربطة القزبرونزيدو معاها من زلافة حتى زلافة ونصف ماء ونخليوها على نار مهيلة المرة الاولى على الصدر تم على الجهة الاخرى تم على الجوانب ونتقبوها من جهة الجناوح ونقلبو غير بشوية باش ما يتفرتتش حتى تطيب ونزولوها ونزولو القزبرونقسمو الحامضة على 2 نصف نحيدو منه اللب ونديروه في طنجرة والنصف الاخر كنعسلوه مع شوية الماء ونشحرو الدغميرة حتى تولي ملبية ونزيدوعليها شوية الماء مع التحراك المستمر وناخد الدجاج وندهنوه بالزبدة ونحمره في الفرن ونحطوه في صحن معاه الدغميرة ومزين بالحامض والبيض ديال السمان مصلوق
Published by schtroumpfette
-
dans
أطباق متنوعة
15 janvier 2010
5
15
/01
/janvier
/2010
00:17
Published by schtroumpfette
-
dans
قسم الخياطة
14 janvier 2010
4
14
/01
/janvier
/2010
00:29
استخراج الحليب
ناخذو حبة كبيرة ديال الكوك و نقسمها على 2 و نزول الجزء الابيض يعني اللب و نحكه فالحكاكة الرقيقة ثم نديروه في قرعة يكون معقم و نخويو عليه الماء طايب كيغلي و نسدو القرعة و نخضوها مزيان باش ثم نخلي الخليط حتى يدفى و نعصروه مزيان بزيف حياتي غدي نحصلعلى ماء ابيض اللون هو حليب جوز الهند
استخراج الزيت
ناخذ الحليب اللي حصلنا عليه نديروه في قرعة و نديروه يبات فالثلاجة و فالصباح غدي نلقاو الزيت تعزلت الفوق و الحليب بقى التحت كنزولو الزيت بشوية بواسطة ملعقة و نحتفظ بها في قنينة ديال الزجاج لحين الاستعمال
Published by schtroumpfette
-
dans
أطباق متنوعة
13 janvier 2010
3
13
/01
/janvier
/2010
00:21
*المقادير
فخد ديال العنزي مقطع
ملعقة كبيرة زيت زيتون
(2)فصوص ثوم محكوكين
(3) معالق كبار عصير الحامض
ملعقة صغيرة ازير
ملح
تحميرة
القليل فقط من البزار ابيض
*التزيين
ملعقتين كبار كاجو اخضر غير مملح + 2 معالق كبار لوزاخضر+ 2 معالق كبار زبيب بلا عظم مغسول
*الطريقة
نخلط جميع العناصر و نشرمل اللحم و يرقد فالشرمولة ليلة كاملة
في الغد نديرو اللحم في مول ديال الفران و ندردر عليه من الفوق اللوز و الزبيب و الكاجو و ناخد ورق الالمنيوم نديروه تحت المول و نجمعوه على المول كامل و نسدوه مزيان من الفوق يعني غدي نغطيو المول كامل بالورق باش يطيب اللحم بالبخار ثم ندخله للفران يطيب مدة ساعة
Published by schtroumpfette
-
dans
أطباق متنوعة
12 janvier 2010
2
12
/01
/janvier
/2010
00:57
لتصبير السردين
نحيدو السلسول ونشفوه مزيان من الماء بالورق النشاف ويوضع
على طوله في قراعي المربى الصغار ثم نضيف عليه 2 مزاود سودانية لكل قرعة ونزيدو عليه 2 ورق موسى +ابزار +ملح +زعيترة+زيت العود حتى يتغطى ونسد فم القرعة ببلاستيك الغلاقة ونديروهم في الكوكوط +الماء الى نصف القراعي ولما تبدا تصفر نحسبوا ساعة الا ربع ونخليوها تبرد بلاما نحيدو الصفارة باش القراعي ميطرطقوش
لتصبير الطون
نفس الطريقة فقط نضيف اليه ملح وزيت العود فقط.
Published by schtroumpfette
-
dans
صنع دارك
منقول
/fdata%2F3093240%2Favatar-blog-1107055403-tmpphpRbdUr5.jpg){kind=avatar}
/fdata%2F3093240%2F%2Favatar-user-2402526-tmpphpOdExrm.gif){kind=avatar}
