وصفات الكاشير مع مستمعات حديث ومغزل مع سناء الزعيم

  الكاشير بالأعشاب من عند زبيدة من الرباط

  اربع بيضات ، 4 الفرماجات مربعات أو مثلثات ، نصف كأس من الزيت ، 1 كأس سميدة  رقيقة ، 1 كأس روز مسلوق ، 1 ضامة البنة بقري ، 1 ثوم ، ملح ، ابزار ، 1 معلقة صغيرة من راس الحانوت ، يخلط الكل و يوضع في مول ديال الكاشير ثم يوضع في البرمة واقف يطيب لمدة 45 دقيقة ثم نتركه يبرد

الكاشير بالكبدة ديال الدجاج من عند خديجة من البيضاء 

  اربع بيضات ، كبد الدجاج ، 1كأس زيت ، 4 الفرماجات ، ضامة البنة دجاج ، كامون مطحون ، قزبر حبوب ، شوية الهريسة ، زيتون مقطع ، تحميرة و الوعفران ، ملح ، ابزار ، يخلط الكل في خلاط ثم في اناء و نضيفو الدقيق  الحرش حتى يعقد و يضرب باليد جيدا بحال الكيكة ثم في بلاستيك ديال التجمد تعقديها من الجنب و نعمروه بالخليط ثم نعقدوه من الجنب الاخر و تزيدي عليها خناشي بلاستيك أخرى و تعقديها جيدا ، ثم تشدي عليه الكوكوط لمدة 45 دقيقة في الماء و نقدموه بالصحة و الراحة

الكاشير بالدجاج من عند ابتسام من وجدة

  كأس روز مسلوق ، نصف كأس سميدة ، 200 غرام صدر الدجاج ، ضامة البنة البقري ، 2 فصةص ثوم ، معلقة الهريسة ، معلقة تحميرة ، نصف معلقة من الكامون ، نصف كأس زيت ، 3 البيضات ، 4 الفروماجات ، يخلط الكل و نضيفو الزيتون مقطع ثم نضعه في خنيشة طويلة و تعقديها ثم تفوريها و تقدم بالصحة و الراحة

كاشير بالأعشاب من عند فضيلة من بني ملال

اربع بيضات ، 1كأس روز ، نصف كأس زيت ، قزبر يابس مطحون ، تحميرة ، ملح ، أزير ، الزعتر و يخلط الكل في الخلاط ثم تضيفي الفرماج و السميدة و شوية الزعيترة و تسكبيه في الميكة أو مول و نضعه في الكوكوط أو الكسكاس و يمكن اضافة نقط من الزيت

كاشير لأصحاب الحمية و اقتصادي من عند بشرى من قلعة السراغنة

ثلاث مائة 300 غرام من كفتة البيبي مطحونة طبيعية بلا شحمة أو توابل ، 4 البيضات بلديين ، معلقة كامون ، معلقة قزبر يابس ، ابزار ، سكينجبير ، ملح بالقياس ، شوية الهريسة باش اللون يكون مثل الأنشون 1 كأس زيت لايت أو زبدة لايت ، ضامة البقري ، عروش الأزير يبقاو طوال ، يطحن الكل ثم نضعه في كسكاس أو في مول ديال الكاشير و تستف عروش الأزير على الطول ، ثم تطيبيه ما بين 45 الى 60 دقيقة و يقدم بالصحة و الراحة

كاشير بالديك الرومي من عند سميرة من أيت ورير

  شرائح الديك الرومي الطري يقطع أطراف صغيرة ، ابزار ، تحميرة ، الأزير ، الزعيترة ، 4 البيضات ، معلقة من زيت العود ، ملح ثم يخلط الكل و نضعه في "papier sulfurisé" و يبخر و ممكن اضافة الزيتون حسب الاختيار.