نصائح وتجارب عملية ***هذا الركن متجدد***

آخر ما أضيف مكتوب باللون الأزرق

المانطات الى بغيتي ملى تصبنيهم ما يتحببوش ويبقاو بحال الى جداد في التشليلة الأخيرة اضيفى الى الماء ملين الشعر

البراد ملي يكحال من الداخل ديري فيه الماء مع خميرة الحلوى وخليه يتبخ ثم حكيه 


يتم طرد العناكب او العنكبوت من دخول المنزل ناخد الشبة مع الماء و نمسحو بها الشراجم و الاماكن لي تتكون فيها


الحمص يرطابلك في ظرف نصف ساعة : ديري ماء غليان والحمص في طرموسة القهوة وسدى عليها


لمحاربة الذباب

حامضة تقسم على 4 و تتك فوسط الحامضة باعواد القرنفل

و نفس قطع الحامض ممكن اعادة استعماله بدهن الاحدية او تعيدي المسح بزيف و نعيد مسحه بالفازلين و ممكن مسح الصيكان




الارنج ممكن نغسلوا بيه الدجاج بدل الحامض


تحضير المربى و الاحتفاظ به مدة سنة خارج الثلاجة

نعقمو القراعي في الماء فوق البوطة 10 دقائق وغير نطفيو عليهم العافية نديرو فيهم المربى وهما سخان و نسدو مزيان القراعي و نقلبوهم ونخليوهم مدة 24 ساعة ثم نحتافظو بيهم حتى لعام خارج الثلاجة ولكن غير نحلو القرعة نديروها في الثلاجة


البيض الى تخوى على الزبية نخوي عليه الملحة ونخليها عليه ربع ساعة ونمسحها بزيف فيه منظف



الشمع المعطر باش يدوم مدة طويلة نوضعوه في اناء ونخوي في جنبوا الملحة

 

سفرجل الى بغينا نحتفظوا به في الكونجيلاطور كنطيبوه ونعسلوه ومن نبغيوه نجبدوه

باش نقشر الكركاع نرقدوه واحد نصف ساعة في الماء

لشابلير نضيف ليه الخميرة الكيميائية باش يج مقرمش

الشيفلور ملي نصلقوه نضيف له شوية الحليب باش يحافض على لونه


-ندير مكعب سكر مع البسكوي او الفقاص باش يبق مكرمل 

البصلة إلى بغيناها متنوضش كنديروها حدا الثلاجة الجهة  للي فيها السخونية (مابين الثلاجة والحايط) و تبقى حتى شهر

الى بغينا نعاودو نستعمل الصوف المخدومة كناخدو التريكوات للي قدام ديال الصوف كيتحلو ..كيرجعو خيط كيباتو فالفريكو ليلة كاملة فالصباح كيتفورو وكيتخدم بيهم طاقية ولا تقيشرات ولا كاش كو ديال الوليدات فحال جديدة كتولي.

لمعان الخشب كناخد حبوب اتاي  و نخوي عليه الماء طايب مل يبرد نمسح به الخشب

الزرابي اللي بهاتت, نطحن اتاي و ندردروه على الزربية و نخليه  5 دقايق و نشطبوها

مل يتسد رشاش الحمام كناخد نصف لتر ماء+ كاس خل نديروه يغلى و نحط فيه الرشاشة 5 دقايق

اواني الاليمينيوم ناخد كيس ديال الحمام قديم نفزكوه بالماء و الصابون البلدي و الخميرة ديال الخبز و نحكوها

ريحة الصباغة: ناخد بصلة بقشورها نقطعوها و نديروها في الماء بارد و نحطوه وسط المكان الي فيه الصباغة

Comments

[cuisinebouchra]

merci pour ces astuces magnifiques

[bouchra]

alala raki mwadba héhéhé bisous

[سهاد]

ماشاء الله عليك يا ختي افكار رائعة جزاك الله كل خير عنا
مدونة حاوة  مزيد من العطاء والى الامام بالتوفيق
اختك سهاد

[cuisinebouchra]

machaallah on va rien oublier grace à vous iwa ntabhi lakhtaa choufi azarbiya héhéhé  ton  autre blog ou-es la place des commentaires bisous

[bouchra]

andak wassaf dial les cafards kanet kaltha wahed siyda raw3a trés bonne résultat wallah