كروكيت البطاطا بالطون و الفرماج - عبد الهادي البلوي

المقادير
3 بطاطات كبار مسلوقين في ماء مملح ومحكوكين
بصلة صغيرة مقطعة رقيقة
3 حكاك ديال الطون مصفيين من الزيت
م ك معدنوس مقطع رقيق
2 م ص قشرة الحامض محكوكة
4 مع ك عصير الحامض
م ك خل
3 بيضات
ملح و ابزار

*عناصر الحشو و التزيين
100 غرام فرماج كمومبير مقطع مكعبات صغار (او فرماج كودا او بغي)
طحين مخلط مع القليل من البزار
لاشابلير
زيت القلي

الطريقة
نخلط البطاطا مع البصلة و الطون و المعدنوس و بيضة و عصير و قشرة الحامض و الخل و ملح و ابزار حتى الحصول على عجين متماسك و نديروه كويرات كبار شوية  ثم نعمركل كويرة بمكعب ديال الفرماج و نشكلها على شكل اصبع ثم ندوزو الاصابع في الطحين ثم نغمسوهم في البيض مطرب ثم نديروهم في لاشابلير و نستفوهم كاملين في اناء و نغطيوهم و ندخلوهم للثلاجة على الاقل 4 ساعات ثم نقليوهم مباشرة في الزيت الساخن هذه الطريقة كتخلي الكروكيت يطيبو من الداخل و برا و كذلك الفرماج كيذوب و يبقى فالداخل مايخرجش على برا

Comments

[cuisinebouchra]

merci hbiba  layla ykhatik bisous