الصوصيص

 
المقادير
4 بيضات
2 فرماجات
ضامة كنور لحم
ضرس ثومة محكوك
ملعقة صغيرة كمون
ملعقة صغيرة قزبر يابس مطحون
2 معالق تحميرة
نصف كاس زيت بلدية
3 معالق كبار فورص
مصارن ديال الغنمي
 

الطريقة
باش يتغسل المصارن مزيان ناخدو ميكة بيضا و نقطعوها على شكل شريط طويل و نعقدو المصران مزيان من الفوق بالميكة و نبداو نازلين و احنا كنلويو عليه الميكة و في نفس الوقت كنجرو المصران يد وحدة كتلوي و وحدة كتجر باش كيتخرطو المصارن مزيان ثم نديرو ليهم الخل باش يبياضو و منين يتغسل المصران مزيان و يقطر نعقدوه من الفوق 

نخلطو جميع العناصر في الخلاط الكهربائي و نبداو نعمرو المصران بالدواز ثم نعقدو بين كل وحدة و وحدة و نخليو الفراغ بزاف قبل ما نعقدو حيت كيتنفخ بزاف فالطياب ثم نديروه في الكسكاس ديال البرمة و نبقاو نقلبو فيه كيتنفخ و يكبر بزاف و منين يوقف و يشد راسو نبداو نتكوه بعود ديال السنان و نخليوه تقريبا 4 دقائق لا اكثر ثم نزولوهم من فوق النار حيت الى خليناهم بزاف غدي يطرطقو
يمكن ننسمو الصوصيص بالكروفيت نطحنو 6 او 7 كروفيتات مع الخليط و نعمرو بيه المصران

Comments

[bouchra]

iwa bkaw lik ghire lgazara héhéhé tbarkallah 3lik bisous