بيني بالسردين ـ نجاة من هرهورة ـ 13/10/2010

بيني بالسردين

250 غ دقيق
عصير حامضة
2 خميرة الحلوى
كنور ديال الحوت محكوكة
بزار
1م ك عطرية الحوت
2 بيضات والحليب باش نخلط العجين

كنخلط هذا المقادير كلها وخاص تكون عجين ثقيلة ونخلوها ترتاح 15 د

كيلو السردين
سودانية
عصير حامضة
راس ملعقة صوص صويا
شوية عطرية الحوت

نشرمل السردين في هذا التوابل ونخليه مرقد اما نخلوا السردينة صحيحة او نقسمها على جوج

250 غ كفتة + 3 فصوص الثوم + زلافة صغيرة معدنوس مفروم + 1 م ك عطرية الحوت + شوية بزار + كامون + تحميرة + اصفر بيضة
نخلط الكل ونعمل من الخليط كويرات صغار ، الى خلينا السردين صحيح نعمل من الكفتة اصابع والى قسمناه على جوج نعمل كويرات

ناخد كويرة كفتة ونعملها وسط قطعة السردين ونلويو ونسد بالعود ونعملهم في المجمد حتى يقصاحو  ونخرجهم ونغطسهم في العجين ، نشد من العود ونغطس في خليط العجين، ونقليوهم في الزيت

ونقلي مطيشة سوريز وفلفلة حارة في الزيت اللي قلينا فيه السردين ونقدمهم