العجينة المورقة

المقادير

كيلو فورص + كاس عنبة فورص
بيضة
1 خمارة حلوى
شوية الملح
نصف كيلو زبدة اللتوراق
قرعة صغيرة ماء بارد مزيان مڭلاصي

نديرو الدقيق في القصرية و نديرو معاه الزبدة كاملة و نبسبسوه مزيان حتى يتخلط مع الزبدة و يترمل ثم نزيدو الخمارة و الملح و البيضة و نجمعو بالماء البارد بلا ما ندلكو العجينة غير تجمع صافي ثم نخليوها ترتاح مدة 5 دقائق و نرشو الطحين فوق طبلة او البوطاجي و نسرحو العجينة بالدلاك و نطويوها على ثلاثة يعني نطويو الطوية الاولى و نديرو عليها الطوية الثانية ثم نطويو مرة اخرى و نخليو العجينة ترتاح 5 دقائق و نعاودو نسرحوها و نطويوها على ثلاثة او اربعة و نخليوها ترتاح 5 دقائق و نسرحوها و نطويوها مرة اخرى على ثلاثة او اربعة ( يعني غدي نقومو بالعملية ثلاث مرات ) ثم نقسموها عى اربعة و نديرو كل قسم في بلاستيكة و نحتفظ به في الكونجيلاتور و كل مرة نجبدو القياس اللي بغينا و نطلقوه و نستعملوه
هذه العجينة يمكن نديرو منها الكيش و البيتزا

اما الى بغيناها للشنيك و كرواصة يعني المعجنات الحلوة اللي كتخمر غدي نزيدو على المقادير اللي ذكرنا شوية خميرة معجونة و شوية السكر و غدي نقصو كاس ديال الطحين يعني غدي نديرو غير كيلو ديال الفورص فقط و نتبعو نفس طريقة العجينة و التوراق

*تحضير الشنيك
نسرحو العجينة اللي فيها الخميرة و نديرو عليها لاكريم باتيسيير و الفواكه معسلة أو الزبيب و نلويوها ثم ندخلوها للثلاجة (ماشي المجمد) تشد راسها و نقطعوها دوائر و نديروها في لاطة تخمر و ندهنوها بالبيض و ندخلوها للفران تطيب
حسب صاحبة الوصفة هاد العجينة واخا ساهلة فالخدمة كتجي زوينة بزاف و مورقة

Comments

[naoual]

merci beaucoup franchement vous maver rendu un service parceke moi aussi g noté la recette mais je savais pas si cétait de la levure chimique ou la levure de boulanger ...merci
bcp

[cuisinebouchra]

tu sais j'ai raté plusieures recettes ces derniers jours merci hbiba gros bisous