طاجين بالخضر مقلية و الكفتة - اسماء من تازة - مجربة

المقادير
2 بطاطات مقطعين دوائر و مقليين
2 كرعات خضرين مقطعين دوائر و مقليين
2 دنجالات مقطعين دوائر مقليين
فلفلة خضرا مقطعة دوائر
مطيشة 1 مقطعة دوائر
500غ كفتة دجاج بالتوابل ديالها على شكل كويرات
4 فصوص ثوم محكوكين
قزبر و معدنوس مقطعين
ملعقة كمون و ملعقة تحميرة
ملح و خرقوم
ضامة البنة
5 بيضات
كاشير محكوك
نصف كاس زيت زيتون


الطريقة
ناخد طاجين و نستف فيه  البطاطا و الكرعة و الدنجال و نديرو عليهم الشرمولة و الزيت و الملح و نديرو دوائر الفلفلة ثم دوائر مطيشة و نحك عليهم ضامة البنة و نستف كويرات الكفتة و نزيدو نصف كاس ماء في  الطاجين و نغطيه و نخليه يطيب على نار مهيلة جدا و منين تطيب العناصر نطرب البيض و نكبوه عليهم و نديرو عليه كاشير محكوك و نخليو البيض يطيب