الشوربة الصينية - فاطمة من مراكش

المقادير
كروفيت منقي و مقطع صغير (رابعة او اقل)
كالامار مقطع مربعات صغار (يمكن الاستغناء عنه)
نصف كيس فطر اسود مرقد في ماء ساخن حتى يتنفخ و  يتقطع صغير
2 خيزوات مقشرين و محكوكين فالجهة الرقيقة
بطاطا واحدة خضرا محكوكة رقيقة

  و 3 بطاطات  مسلوقين و مطحونين مع الماء ديالهم
بصلة متوسطة محكوكة رقيقة
ملعقة كبيرة زبدة
ماح و ابزار
ماء
بكية صغيرة شعرية صينية مفزكة في ماء سخون و مقطعة

الطريقة
في طنجرة نديرو الزبدة و البصلة محكوكة و خيزو و بطاطا وحدة محكوكة و شوية ملح و ابزار و نخليوهم يتشحرو مزيان ثم نزيدو الكالامار و رابعة ديال الماء و نغطيهم و نخليهم يطيبو ثم نزيد الكروفيت مقطع و من بعد نزيدو الفطر الاسود و الشعرية الصينية و في الاخير ندورو الشربة بالبطاطا مسلوقة اللي طحنا مع الماء و نخليها تغلي شوية ثم نطفي عليها و تقدم