الكريب بالبنان و اللوز

مقادير العجين
2 كيسان فورص
2 بيضات مخفوقين
ملعقة كبيرة سكر
شوية الملح
1 فاني
3 كيسان حليب
قشور حامض أو برتقال محكوكين

 مقاديرالحشوة
2 بنانات مقطعين دوائر رقيقة و مسقيين بعصير الحامض
50 غ سنيدة
125 غ لوز مقلي و مهرمش
بكية لاكريم شانتيي غبرة مطربة مزيان مع ربع لتر حليب بارد

الطريقة
نخلط الطحين مع السكر و الملح و نزيد البيض مخفوق و زوج كيسان حليب و نخلط مزيان بالطراب اليدوي و نزيد باقي الحليب و نخلط  و نخلي الخليط يرتاح نصف ساعة

من بعد ناخد مقلة طيفال و نديرو فيها مغرفة من الخليط و نحطو عليه مباشرة دوائر البنان و نخلي الكريب تطيب ثم تقلب على الجهة الاخرى اللي فيها البنان و هكذا حتى نكمل الخليط ثم ناخدو الكريب و نستفوه في لاطة و نرشوه بسنيدة من الفوق فالجهة اللي فيها البنان و ندخلوه للفران 10 د ثم نخرجه و منين يبرد نديرو شوية لاكريم شانتيي فوق كل كريب و نرش باللوز مهرمش و نطويوها على اربعة باش تعطينا بحال شكل مثلث و نزوقو بلاكريم من الفوق